دعوة للتعارف بين اعضاء المنتدي

**Soma2000**

أخواتي واخواني ..السلام عليكم ورحمة الله تعالى وبركاته

بما أن عدد الأعضاء في المنتدي في تزايد مستمر والحمد لله ..

وبما أن الله من علينا بالاجتماع في هذا المنتدي ..

خطرت لي فكرة التعرف على بعضنا البعض أكثر

لو ماعندكم مانع.وموافقين على الفكرة..فكل عضو فينا يكتب شيئا من بياناته...

تحيااتي

دلوعة السودان

_________________

**Soma2000**

ولا واحدة ماجات قالت حاجه يعني

ماعايزين تعارف ولا شنو ....؟؟

_________________

**Emoo**

عايزين يادلوعتنا
فكرة حلوة والله

_________________

**Soma2000**

فكرة حلوة لكن مافي زول عمل بيها

_________________

**Emoo**

ياخواتنا خايفات من شنو

ماعاوزين معلومات خاصة

كفاية معلومات عامة تخلينا نعرف بعض أكتر

خلاص يادلوعة نبدا احنا

عشان يتشجعو يتعارفو

أنا اسمي إيمان

كنت في الامارات من اتولدت

جيت السودان أدرس الجامعة (( صيدلة)) وهس في السنة النهائية الحمدلله (( ربنا يخارجنا))

عمري 24 وقربت اتم ال25

عاقدة ولا عاقدين علي ولا معقود علي ما بعرف بيقولو شنو

بحب ارسم وبحب اكتب شعر

بس لا انا رسامة ولا شاعرة ((هواية بس))

بحب الونسة شدييييييد وشمشارة لم بهناك

مفروض أكون هس بجهز نفسي للعرس من حيث إن أنزل وزني وأهتم بشعري ووشي والكلامات دي

بس أنا كســـــــــــــــلانة

ودايما بخلي أي شي للحظة الأخيرة

ربنا يهون بس

أها تاني في شنو؟؟؟

أي أي أي اتذكرت

بحــــــــــــــــــــــــب البيتزا

_________________

**عسجد امير**

انا جيت اعرف نفسي
انا

عسجد وعمري 27 عيشت في الرياض السعودية
ودرست طب اسنان في القاهرة
ولما جيت عرست في 31-12-2007
وحسي قاعدة مع زواجي
وبحب الناس والبرامج بالذات اللمة بتاعت البنات للجيهة
حسي انا حامل بس اتفكا شهر 10 وبتحبس تاني

**Emoo**

د.عسجد

اتشرفنا حبيبتي

بس مالك خايفة من شنو؟؟؟؟؟؟؟؟؟؟؟؟؟؟؟؟؟

_________________

meme

اوعو تقولو خفيفة ولفيفة عشان من اولها بعرف بنفسي

اسمي (ميمي ) درست علوم طيران
عمري (30) اتزوجت يوم 17/1/2008 م وهسه حامل في شهري السادس
وزوجي مقيم بالرياض
وفاييييييييييته ايمان بطيارة من ناحية الشمشرة وحب الاستطلاع
وسعيدة بإنضمامي ليكم شديد

**Soma2000**

اهلا بيكي ميمي

والف مبرووك الزواج

وكمان مبروك الحمل ... ان شاء الله ربنا يحلك بالسلامة يارب

_________________

**عسجد امير**

كيفكم يابنوت
والله يا ايمان خايفة من الولادة
شكلي حصاحبك لانه ماما اسمها ايمان ههههههههه

**talo**

انا جييييييت عشان نتعرف
قبل اي حاجه شكلكم بنات (نسوان)

انا اسمي مروه
عمري 24 اسي لاكن شهري 10 يوم 16حااتم 25

صغيره وجاهله

عرسته 8/1/2007
وسي الحمدلله وعند بت سميناها تاليه اي زول بسالني يعني شنو بس انشاءالله تكون عارفيين والشهر الجاي عيد ميلاده معزوميين
درست في مامون حميده (موختبرات)
اسي قاعديين مع زي بقولو النسوان مع ابونا( روجالوم)يعني في هولنداااا
بحب الونسه والشماررررااات والبرامج و الحفلات بس كفاكم ههههههههههههه
لما نشوف الاساله ونجاوب

**Emoo**

meme كتب:

اوعو تقولو خفيفة ولفيفة عشان من اولها بعرف بنفسي

اسمي (ميمي ) درست علوم طيران
عمري (30) اتزوجت يوم 17/1/2008 م وهسه حامل في شهري السادس
وزوجي مقيم بالرياض
وفاييييييييييته ايمان بطيارة من ناحية الشمشرة وحب الاستطلاع
وسعيدة بإنضمامي ليكم شديد

دلوعتنا حقو تسمي المنتدى (( نساء السودان الشمشارات))

_________________

**Emoo**

عسجد امير كتب:

كيفكم يابنوت
والله يا ايمان خايفة من الولادة
شكلي حصاحبك لانه ماما اسمها ايمان ههههههههه

هونيها وبتهووون

ربنا يحلك بالسلامة ويرزقك طفل جميل وسليم ودمو زي الشرباااات

وبالمناسبة

اسم امك جميــــــــــــــــــــــــــــل

_________________

**Emoo**

talo كتب:

انا جييييييت عشان نتعرف
بحب الونسه والشماررررااات والبرامج و الحفلات بس كفاكم ههههههههههههه
لما نشوف الاساله ونجاوب

أنا ما قلت ليكم

أهو بقينا تلااااااااااااتة

مرحب بيك تالو في منتدى النساء السودانيات الشمشارات

_________________

ميريام

سلام يا بنات اخباركم شنو
انا حابه اعرفكم على نفسي احم احم اسمي ميريام
وعشت في الامارات و قريت في السودان مختبرات طبيه وعرست نهايه 2007 و حسه حامل في الخامس
اممممم و مقيمه مع بعلي اقصد ابو الشباب في ايرلندا
وشغاله صباح ومساء في البيت طبعا
وتاني بحب الحوامه و الشمارات
هوايتي المفضله الطبيييييييييييييخخخخخخخخخخخخ
ونسيت اقول عمري 24 سنه